En St Maurice estas la postrestaĵoj de cistercia abatejo nun restaŭrata ekde 1992. La oranĝarbejo, konstruita de la monaĥoj akceptas la publikon. Pado por longa marŝado G.R. 34 E.

Natura intereso - videblaj specioj :
Ĉeesto de 5 malsamaj medioj : estuaro, arbaro, erikejo, lageto kaj herbejoj.
Multopa flaŭro : sekvojo (séquoia), abela ofriso (ophrys-abeille), vila ajugo (bugle de Genève)...
La estuaro de la Laïta estas restada loko por la birdoj, kiuj sin sekvas laŭ la ritmo de la tajdoj kaj de la sezonoj : malgranda egretardeo (aigrette-garzette), verdkapa tadorno (tadorne de Belon), granda kurlo (courlis cendré), blankventra tringo (chevalier guignette), muta cigno (cygne tuberculé)...

Okazaĵoj :
Liberaj aŭ gvidataj vizitoj ĉiuposttagmeze de la 15a de Junio ĝis la 15a de Septembro kaj ekstersezone laŭ petoj, ekspozicio de la flaŭro, historio de la lokoj tutjare.